Plantun de Prouvènço

Pèr coumpara dos planto d'encò nostre

Frankenia hirsuta & Ranunculus acris

Frankenia hirsuta

Frankeniaceae

Nom en français : Frankénie hirsute.

Descripcioun :
Aquesto erbo-franco trachis sus li roucas en ribo de mar. L'estiéu fai uno poulido tepiero de flour roso. La planto èi pelouso d'en pertout e li fueio, au contro de Frankenia pulverulenta, an si bord envertouia.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Aubret
Taio : 10 à 30 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Frankenia
Famiho : Frankeniaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 5 à 10 mm
Flourido : Printèms - Estiéu

Sòu : NaCl
Autour basso e auto : 0 à 50 m
Aparado : Noun
Abriéu à setèmbre

Liò : Roucas - Sablo - Mar
Estànci : Termoumediterran à Mesoumediterran
Couroulougi : Subretroupicalo
Ref. sc. : Frankenia hirsuta L., 1753

Boutoun-d'or

Ranunculus acris

Ranunculaceae

Àutri noum : Bacineto, Poumpoun-d'or, Loup-pauto, Pato-de-loup, Bacin-d'or.

Noms en français : Renoncule âcre, Bouton-d'or.

Descripcioun :
Lou boutoun-d'or es uno planto couneigudo mai pas toujour bèn destriado de si cousino di flour jauno peréu. Arregarda li sepalo peludo que dèvon èstre pegado contro li petalo e li fueio telado e descoupado (mai pas fin qu'au pecou). Lis akène negre an un bè un pau recourba.

Usanço :
Tóuti li ranouncle caupon de proutouanemounino, empouisounanto. Avèn pas trouba d'usanço particulièro au nostre. D'ùni pople indian d'Americo n'en manjon li fueio après en agué fa bouli mant'un cop li fueio. Aquéli servien peréu pèr sougna li mau de tèsto. Pòu tencha la lano en vióulet emé de bicarbounato de soudo.